Hargeisa | 11 Febraayo 2026
Magaalada Hargeisa, gaar ahaan Xarunta Cilmi-baadhista iyo Horumarinta ee RAAD, waxaa taariikhdu marka ay ahayd 11 Febraayo 2026 ka qabsoomay tabobar hal maalin ahaa oo cinwaankiisu ahaa “Habraaca Cilmi-baadhista: Qorsheynta ilaa faafinta”.
Tabobarkan oo ay ka qaybgaleen aqoonyahanno iyo cilmi-baadhayaal, waxa hoggaaminayay Dr. Mohamed Sulub (Guddoomiyaha Jaamacadda Hargeisa).
Ujeeddada isku-keenidda ka qaybgalayaashan kala duwan ee isugu jiray ardayda heerka sare, macallimiinta jaamacadaha, iyo khubaro ka tirsan dawladda iyo hay’adaha, waxa ay ahayd in la kobciyo xirfadaha Cilmi-baadhista iyo daraasaynta.
Maxaa xoogga la saaray kulankan intii uu socday?
Muddadii uu tabobarku socday, Dr. Mohamed Sulub waxa uu si qoto dheer u iftiimiyay meertada guud ee cilmi-baadhista.
Waxa diiradda la saaray fanka naqshadaynta cilmi-baadhista iyo xulashada hab-raacyada ku habboon, maareynta iyo falanqaynta xogta, ilaalinta anshaxa iyo hufnaanta iyo qaabka loo qoro maqaaladda sayniska.
Waxaa si gaar ah loo dhex-galay muhiimadda ay leedahay in la koobo farqiga iyo masaafada u dhaxeysa natiijada cilmi-baadhista iyo dhaqangelinteeda rasmiga ah ee bulshada dhexdeeda.
